ANGEN CYMORTH GYDA FY GAMBLIO
Llety ARA
Porth i Landlordiaid
Loading...

Arbenigwyr yn ôl eu profiadau

Ers mis Ionawr 2019 mae ARA wedi hwyluso grŵp ‘Arbenigwyr yn ôl eu profiadau’, a sefydlwyd i annog a hyrwyddo llais y rhai sydd â phrofiad byw o gamblo problemus, neu’r rhai sydd wedi cael eu heffeithio gan broblem gamblo rhywun arall.

Mae hyn bellach yn cynnwys grŵp sefydledig o unigolion brwdfrydig, sy’n cwrdd bob chwarter i drafod sut y gallwn leihau niwed gamblo ac adolygu, gwerthuso a helpu i lunio’r gwasanaethau triniaeth gamblo yn Ne-orllewin Lloegr ac yng Nghymru.

Os hoffech wybod mwy, neu os hoffech ymuno â’n grŵp “Arbenigwyr yn ôl eu profiadau”, e-bostiwch aragamblingservice@recovery4all.co.uk a byddem yn falch iawn o ddarparu manylion pellach i chi.

Pobl rydyn ni wedi helpu eisioes wedi dweud:

“Roedd fy gamblo allan o reolaeth. Nid oedd unrhyw swm na fyddwn yn ei gyfri ac nid oedd gan arian unrhyw werth o gwbl. Ni fyddwn yn mynd diwrnod heb rhoi bet. Derbyniais sesiynau cwnsela 1 i 1 gydag ARA. Rwyf wedi dysgu gwerthfawrogi fy hun. Rwyf wedi dysgu bod mwy i fywyd na gosod bet a mynd ar ôl fy ngholledion”.
“Roedd bywyd yn ofnadwy, darganfyddodd fy mhartner am fy gamblo. Roedd fy mywyd wedi mynd I lanast llwyr. Rwyf wedi newid llawer fel person ers rhoi’r gorau i gamblo, nid oes angen i mi ddweud celwydd a phoeni am yr holl bethau na allaf eu rheoli”.
“Dwi ddim yn meddwl y byddwn i lle rydw i yn fy adferiad heddiw pe na bawn wedi siarad â chynghorydd”.
“Yr holl amseroedd y cefais fy nal, addewais na fyddwn byth yn ei wneud eto ac mai “slip” yn unig ydoedd. Doeddwn i ddim yn gwybod fy mod i’n gamblwr cymhellol, dim ond meddwl am ddim ond mynd trwy rediad o lwc yr oeddwn i. Rwy’n ddiolchgar am yr holl gymorth a roddwyd i mi gan ARA. Mae gen i fywyd newydd o fod yn berson newydd, rydw i’n rhydd o ddyled, mae fy mywyd teuluol gymaint yn well”.

“Cyn i mi gerdded i mewn i ARA roedd fy mywyd yn anhrefn llwyr. Roedd y cwnselydd yn bwyllog a chyfeillgar ac yn hynod o amyneddgar.”

“Rwyf mor ddiolchgar am y cyfle i fod wedi ymgysylltu â’r gwasanaethau yn ARA. Mae’r newidiadau rydw i wedi’u gwneud yn fy mywyd mor gadarnhaol ac rwy’n teimlo fy mod i wedi deffro o goma deugain mlynedd. Nid oedd angen arian arnaf i newid fy mywyd, dim ond cred yr oeddwn ei angen. Wrth fynd ar drywydd reality, darganfyddais fy hun”.